تازہ ترین
ہوم / کھیل / سوئنگ کے سلطان نے ملتان سلطانز کو خیرآبادکہہ دیا، پی ایس ایل4میں کس ٹیم کیساتھ نظرآئیں گے، اعلان کردیا

سوئنگ کے سلطان نے ملتان سلطانز کو خیرآبادکہہ دیا، پی ایس ایل4میں کس ٹیم کیساتھ نظرآئیں گے، اعلان کردیا

کراچی(نیوز ڈیسک)سوئنگ کے سلطان کے نام سے شہرت کے حامل لیجنڈ کرکٹر وسیم اکرم نے پی ایس ایل کی سب سے پسندیدہ ٹیم کراچی کنگز میں ٹیم کے صدر کی حیثیت سے شمولیت اختیار کرلی۔کراچی کنگز کے مالک سلمان اقبال نے اپنے ٹویٹ میں لیجنڈ کرکٹر وسیم اکرم کو خوش آمدید کہتے ہوئے اعلان کیا کہ وسیم اکرم اب کراچی کنگز کا حصہ ہوں گے۔انہوں نے اپنے ٹویٹ میں یہ بھی کہا ہے کہ سلطان آف سوئنگ ہی اب نئے کنگ ہوں گے۔وسیم اکرم نے کراچی کنگز میں بطور ٹیم صدر شمولیت اختیار کی ہے۔پاکستان کے مایہ ناز باؤلر وسیم اکرم 3 جون 1966ءکو لاہور میں پیدا ہوئے وہ بائیں ہاتھ سے باؤلنگ کرنیوالے دنیا کے بہترین باؤلر مانے جاتے ہیں، انہوں نے اپنے ٹیسٹ

کیرئیرکا آغاز25جنوری1985ءمیں نیوزی لینڈ کیخلاف آکلینڈ میں کیا۔وسیم اکرم ون ڈے میچز میں سب سے زیادہ وکٹیں حاصل کرنیوالے کھلاڑی ہیں، انہوں نے 356 ون ڈے میچز میں 502 وکٹیں حاصل کیں ، وہ 1984 ءسے 2003 ءتک 104 ٹیسٹ میچ سمیت 356 بین الاقوامی ون ڈے میچ کھیل چکے ہیں۔وسیم اکرم کا شمار پاکستان کے بہترین فاسٹ باؤلرز میں بھی کیا جاتا ہے،وہ 1992 میں کرکٹ کا ورلڈ کپ جیتنے والی ٹیم میں شامل رہے اور 1999 میں پاکستان کرکٹ ٹیم کے کپتان بھی رہے۔وسیم اکرم 19برس تک شاندار کارکردگی کا مظاہرہ کرنے کے بعد مئی 2003ءمیں ریٹائرڈ ہوگئے تھے، وسیم اکرم ان دنوں ملکی و غیر ملکی سپورٹس چینلز پر کمنٹیٹر کے فرائض سر انجام دے رہے ہیں۔وسیم اکرم نے شنیرا تھامسن سے 2013ءمیں دوسری شادی کی تھی ، اس سے قبل 2009 ءمیں وسیم اکرم کی پہلی اہلیہ بیماری کے باعث انتقال کرگئی تھیں جو کہ ان کے لیے ایک صدمہ تھا۔

Leave a Reply

Your email address will not be published. Required fields are marked *