تازہ ترین
ہوم / شوبز / بھارتی پائلٹ کی واپسی کیلئے گڑگڑانے والے بھارتی اداکاروں نے پائلٹ رہا ہوتے ہیں اپنی اصل اوقات دکھادی

بھارتی پائلٹ کی واپسی کیلئے گڑگڑانے والے بھارتی اداکاروں نے پائلٹ رہا ہوتے ہیں اپنی اصل اوقات دکھادی

ممبئی(مانیٹرنگ ڈیسک)بھارتی پائلٹ کی پاک فوج کے ہاتھوں گرفتاری کے بعد جہاں بالی ووڈ اداکاراپنے پائلٹ کی واپسی کے لیے گڑگڑانے لگے تھے وہیں اب انہوں نے ابھی نندن کی واپسی کے بعد دوبارہ اپنی اوقات دکھادی ہے۔بھارت کی دراندازی کے جواب میں پاک فوج نے جوابی کارروائی کے بعد نا صرف بھارتی فضائیہ کے دوطیارے مارگرائے تھے بلکہ بھارتی پائلٹ ابھی نندن کو بھی پکڑلیاتھا۔ ابھی نندن کے پکڑے جانے کے بعد جنگ کا شور مچانے والے بھارتی اداکاروں کا سارا جوش جھاگ کی طرح بیٹھ گیا تھا اور وہ اپنے پائلٹ کی بحفاظت واپسی کے لیے دہائیاں دینے لگے تھے۔پاکستان کی جانب سے جذبہ خیرسگالی کے تحت گزشتہ روز ابھی نندن کو بھارتی حکام کے حوالے

کیے جانے کے بعد بالی ووڈ اداکاروں نے ایک بار پھر اپنی اوقات دکھاتے ہوئے تیوریاں چڑھالیں اور اپنے ناکام اور ہارے ہوئے پائلٹ کو ہیرو بنا کر پیش کرنے لگے۔بالی ووڈ کنگ کے نام سے جانے جانے والے اداکار شاہ رخ خان جو اس ساری صورتحال پر خاموش رہے، کل اچانک بول پڑے اورابھی نندن کی واپسی پر ٹوئٹ کرتے ہوئے کہا گھر جانے سے بہتر کوئی احساس نہیں ہوتا، گھر کا مطلب ہوتا ہےمحبت، امید اورخواب، ابھی نندن تمہاری بہادری نے ہمیں مضبوط بنایا ہے۔تاہم شاہ رخ خان یہ بھول گئے کہ ان کا پائلٹ جنگ جیت کر نہیں بلکہ جنگ ہار کر واپس جارہا ہےوہ ہیرو نہیں ہے کیونکہ گزشتہ روزبارڈر پر ’ہیرو‘ کے استقبال میں نا تو کسی نے ابھی نندن کو ہار پہنائے نا پھول برسائے اور نا ہی سلیوٹ کیاجب کہ ابھی نندن کے ساتھ بھارتیوں کے رویے سے یہ ظاہر ہورہا تھا کہ وہ کسی ہیرو کو نہیں بلکہ بے عزتی کروانے والے قیدی کو لے کر جارہے ہیں۔اداکارہ شلپا شیٹھی نے بھی انسٹاگرام پرپائلٹ ابھی نندن کی گھر واپسی کو خوش آمدید کہا اور انہیں حقیقی ہیرو قراردیا لیکن شلپا بخوبی یہ بات جانتی ہیں کہ ابھی نندن کوئی ہیرو نہیں بلکہ اپنے مشن میں بری طرح ناکام ہونے کے بعد انہیں پاکستان نے بھارت کے حوالے کیا اسی لیے شلپا شیٹھی نے اپنی پوسٹ پر تبصرے والا آپشن ہی بند کردیا تاکہ لوگ انہیں حقیقت سے روشناس نا کراسکیں۔اداکار رنویر سنگھ نے ابھی نندن کو قوم کے لیے متاثر کن قراردیا جس کے نقش قدم پر لوگ چلتے ہیں۔ ایک پاکستانی صارف نے رنویر کو حقیقت دکھاتے ہوئے کہا ایک ایسا پائلٹ جو اپنے مشن میں ناکام ہوگیا اور پاک فوج کے ہاتھوں گرفتار ہوگیا ایسا شخص آپ کے لیے متاثر کن ہے؟ کیا مذاق ہے۔بھارتی کپتان ویرات کوہلی نے تو منافقت کی انتہا کرتے ہوئے اپنے ناکام پائلٹ کو حقیقی ہیرو کہا اور کہا میں

تمہارے سامنے سر تسلیم خم کرتا ہوں۔ جس کے جواب میں ارضا خان نامی صارف نے کہا’’اصل ہیرو عمران خان ہیں‘‘ جنہوں نے آپ کے پائلٹ کو واپس بھیجاہے۔ جب کہ کچھ لوگوں نے کہا عجیب پاگل لوگ ہیں جس آدمی نے پورے بھارت کی بے عزتی کروائی اس کو ہیرو مان رہے ہیں بہت شرم کی بات ہے۔تاہم بالی ووڈ میں چند ایسے لوگ بھی ہیں جنہوں نے ابھی نندن کو رہا کرنے پر عمران خان کے اقدام کو سراہا۔ بالی ووڈ اسٹار میرا چوپڑا نے ٹوئٹر پر لکھا میرے دل میں عمران خان کی عزت بہت زیادہ بڑھ گئی ہے، عمران خان کا تہہ دل سے شکریہ کہ انہوں نے ابھی نندن کو واپس بھجوایا اوران تما م لوگوں کے لیے مثال قائم کی جو امن چاہتے ہیں۔اداکارہ ہماقریشی نے بھی عمران خان کے اس فیصلے کو اوران کے پائلٹ کو عزت دینے کے عمل کو سراہا۔

Leave a Reply

Your email address will not be published. Required fields are marked *