تازہ ترین
ہوم / پاکستان / میں آپ کا جے ایف 17تھنڈر دیکھنا چاہتا ہوں۔۔امیر قطر کا واپس روانگی سے قبل جے ایف 17تھنڈر طیاروں میں خصوصی دلچسپی کا اظہار

میں آپ کا جے ایف 17تھنڈر دیکھنا چاہتا ہوں۔۔امیر قطر کا واپس روانگی سے قبل جے ایف 17تھنڈر طیاروں میں خصوصی دلچسپی کا اظہار

راولپنڈی(نیوز ڈیسک) شیخ تمیم بن حمد الثانی نور خان ایئربیس سے قطر کے لیے واپس روانہ ہوئے۔قبل ازیں امیر قطر شیخ تمیم بن حمد الثانی کو صدر مملکت ڈاکٹر عارف علوی نے پاکستان کے سب سے بڑے سول اعزاز ‘نشان پاکستان’ سے نوازا تھا۔ایوان صدر میں منعقدہ تقریب کے دوران اسپیکر قومی اسمبلی اسد قیصر، چیئرمین سینیٹ صادق سنجرانی، گورنر پنجاب چوہدری محمد سرور، وفاقی وزیر ریلوے شیخ رشید احمد سمیت دیگر وزرا، اعلیٰ سول و فوجی حکام شریک ہوئے تھے۔امیر قطر شیخ تمیم بن حمد الثانی نے نور خان ائیربیس کا دورہ کیا ہے۔ امیر قطر کو نور خان ائیربیس پر پاکستان میں بنائے گئے جے ایف 17 تھنڈر کا معائنہ کروایا گیا۔ شیخ تمیم بن حمد الثانی کو پاکستانی طیارے مشاق

کا بھی معائنہ کروایا گیا۔ امیر قطر نے جے ایف 17 تھنڈر طیاروں میں خصوصی دلچسپی کا اظار کیا ہے۔انہوں نے طیارے کے اوپر سوار ہو کر اسکا معائنہ کیا۔ اس سے پہلے امیر قطر نے ایوانِ صدر کا دورہ بھی کیا جہاں انہیں صدرِ پاکستان ڈاکٹر عارف علوی نے ’نشان امتیاز‘ سے نوازا۔ اس موقعہ پر پاکستان اور قطر کے قومی ترانے بھی بجائے گئے۔ واضح رہے کہ امیر قطر شیخ تمیم بن حمدالثانی پاکستان کے دورے پر آئے ہوئے ہیں، گزشتہ روز وزیراعظم عمران خان نے امیرقطرشیخ تمیم بن حمدالثانی کا نورخان ایئربیس پر استقبال کیا۔وزیراعظم نے امیر قطر کی گاڑی بھی خود ڈرائیو کی،امیرقطرکو گارڈ آف آنرز پیش کیا گیا،21 توپوں اور جے ایف تھینڈر طیاروں کی سلامی دی گئی۔پاکستان پہنچنے پر امیرقطرشیخ تمیم بن حمدالثانی کو21 توپوں اور جے ایف تھینڈر طیاروں کی سلامی دی گئی۔ وزیراعظم ہاؤس پہنچنے پر گارڈ آف آنرز بھی پیش کیا گیا۔ امید کی جا رہی ہے کہ قطر پاکستان میں اربوں ڈالر کی سرمایہ کاری کرے گا۔اب انہوں نے جے ایف 17تھنڈر طیاروں میں دلچسپی لی ہے اور امکان ہے کہ قطر پاکستان سے جے ایف 17 تھنڈر طیارے خرید سکتا ہے۔ پاکستان نے چین کی مدد سے جے ایف 17تھنڈر طیارے تیار کیے ہیں اور فروری میں بھارت کے ساتھ ہونے والی ڈاگ فائٹ میں یہ طیارے اپنی بہترین کارکردگی کا ثبوت دے چکے ہیں جبکہ انہیں ٹیسٹڈ انڈر وار کا اعزاز بھی حاصل ہو چکا ہے۔ پاکستان اب جے ایف 17کے تیسرے بیچ پر کام کر رہا ہے اور ان طیاروں کی فروخت کے لیے خریداروں کی تلاش میں ہے۔

Leave a Reply

Your email address will not be published. Required fields are marked *