تازہ ترین
ہوم / کھیل / شرجیل خان کی ڈھائی سالہ پابندی ختم لیکن مشکلات کم نہ ہوسکیں ، ٹیم میں واپسی کیلئے کرکٹر کیلئےبڑی شرط رکھ دی گئی

شرجیل خان کی ڈھائی سالہ پابندی ختم لیکن مشکلات کم نہ ہوسکیں ، ٹیم میں واپسی کیلئے کرکٹر کیلئےبڑی شرط رکھ دی گئی

لاہور(نیوز ڈیسک)سپاٹ فکسنگ میں سزا یافتہ کرکٹر شرجیل خان کی ڈھائی سالہ پابندی گزشتہ روز ہفتے کو ختم ہو گئی۔حیدرآباد سے تعلق رکھنے والے اوپنر شرجیل خان کو سپاٹ فکسنگ کیس میں ڈھائی برس معطل سمیت پانچ برس کی پابندی کا سامنا کرنا پڑا تھا، ان کی تیس ماہ کی سزا ہفتے کے روز ختم ہو گئی ہے۔ شرجیل خان کو کرکٹ میں واپسی کے لیے اعتراف جرم کرکے عام معافی مانگنا ہوگی۔ذرائع کے مطابق کرکٹ میں واپسی کے لیے ری حیب پروگرام مکمل کرنے کے بعد شرجیل خان کھیلنے کے اہل ہوں گے۔شرجیل خان

نے ری ہیب پروگرام کے لیے گزشتہ ہفتے پی سی بی سے رابطہ کیا تھا۔پی سی بی اینٹی کرپشن سیکورٹی اینڈ ویجیلنس ڈیپارٹمنٹ کی مصروفیت کے باعث ری ہیب پروگرام شروع نہ کر سکا ہے۔شرجیل خان کو ری ہیب پروگرام عید کی چھٹیوں کے بعد بجھوایا جائے گا۔ ری ہیب پروگرام مکمل کرتے ہی شرجیل خان کو کھیلنے کی اجازت ہو گی۔توقع ہے کہ شر جیل خان آئندہ ماہ شروع ہونے والی قائد اعظم ٹرافی میں سندھ کی نمائندگی کرسکتے ہیں۔ شرجیل خان کو عوام سے اپنی غلطی کی معافی مانگ کر ندامت کا اظہار کرنا ہوگا۔

Leave a Reply

Your email address will not be published. Required fields are marked *