تازہ ترین
ہوم / پاکستان / کشمیریوں کیلئے خون کا پہلا قطرہ میرا گرے گا،علی امین گنڈاپور نے ایل او سی پہ جاکر بھارت کیخلاف لڑنے کا اعلان کردیا

کشمیریوں کیلئے خون کا پہلا قطرہ میرا گرے گا،علی امین گنڈاپور نے ایل او سی پہ جاکر بھارت کیخلاف لڑنے کا اعلان کردیا

اسلام آباد(نیوز ڈیسک) وفاقی وزیرعلی امین گنڈا پور نے لائن آف کنٹرول پہ جا کر بھارت کے خلاف لڑنے کا اعلان کر دیا، وفاقی وزیر نے کہا ہے کہ کشمیر کیلئے خون کا پہلا قطرہ انکا گرے گا۔ علی امین گنڈا پور نے کہا کہ لائن آف کنٹرول پر جاکر لڑیں گے۔انہوں نے ایک نجی ٹی وی چینل کے پروگرام میں گفتگو کرتے ہوئے کہا کہ وہ کشمیریوں کی قربانیوں کو سلام پیش کرتے ہیں اور ضرورت پڑنے پر کشمیر کیلئے خون کا پہلا قطرہ انکا گرے گا۔وفاقی وزیر برائے امورِکشمیریات نے کہا کہ پورا ملک کشمیری بھائیوں کیلئے لڑنے کو تیار ہے اور اگر ایسی صورتحال ہوئی تو وہ خود لائن آف کنٹرول پر جاکر لڑیں گے۔ خیال رہے کہ بھارت نے 5 اگست کو راجیہ سبھا میں کشمیر کی خصوصی حیثیت ختم کرنے کا بل پیش کرنے سے قبل ہی صدارتی حکم نامے کے ذریعے کشمیر کی خصوصی

حیثیت ختم کردی تھی اور ساتھ ہی مقبوضہ کشمیر کو وفاق کے زیرِ انتظام دو حصوں یعنی ’یونین ٹریٹریز‘ میں تقسیم کردیا تھا جس کے تحت پہلا حصہ لداخ جبکہ دوسرا جموں اور کشمیر پر مشتمل ہوگا۔دوسری جانب پاکستانی فوج نے بھاری توپ خانے کے ساتھ ایل او سی کی جانب جانا شروع کر دیا ہے۔سینئرصحافی حامد میر نے بتایا ہے کہ پاکستانی فوج لائن آف کنٹرول پر مورچے سنبھالنے لگی ہے۔ انہوں نے اپنے ٹویٹر پیغام میں لکھا ہے کہ آزاد کشمیر کے مختلف علاقوں سے تعلق رکھنے والے میرے بہت ہی متحرک دوستوں نے بتایا ہے کہ آج رات سے پاکستانی فوج نے بھاری توپ خانے کے ساتھ ایل او سی کی جانب جانا شروع کر دیا ہے جبکہ آزاد جموں و کشمیر کی عوام پاکستانی جھنڈوں اور نعروں کے ساتھ فوج کا استقبال کر رہی ہے۔ نعرے لگائے جارہے ہیں کہ کشمیر بنے گا پاکستان۔

Leave a Reply

Your email address will not be published. Required fields are marked *